Sagaing Division, Kanbalu khuapi pan Kawlin khuapi lam zuan agal mainawk SAC galkapte People’s Defense Force (PDF) pawlin lamkal pan pang simin nasiatak kikaptuah uh a, SAC galkap 80 vai si-in gal van tampi ngah khia cih thu National Unity Government nuai a om Ministry of Defense (MoD) zumpi pan November 10 ni-in thusuahna bawl uh hi.
November 8 ni-in Sagaing Division, Kanbalu district, Kyun-hla khuapi huam pan Kawlin khuapi lam a zuan SAC galkap 200 valte pen November 10 ni zingsang (8:40am) kim pawlin Kanbalu khuapi huam အလယ်ခုံ (Ahle Khong) khua nitumna leilu lamah mipi kemcing thau tawi pawl (PDF)te in, lam kalah na pangin kap uh a SAC galkapte 80 val si-in, 20 kimin liamna ngah ci hi.
SAC galkapte’ galvan zat nam tuamtuam kigawm mal 59 leh thauvui, thautang tampi ngah khia ci hi. “A si bel tam peuh mah uh, a taimang zong honpi khat mah pha uh, galvan namkim zong a lompi in kingah” ci-in PDF lam pan galkuante in genkhia hi. Hih kikapna-ah People’s Defense Force Kanbalu District, No. 2 battalion, leh tualsung Pah-Kah Phah te kipawl khawmin akap uh ahi hi.
Hits: 2