Chin State, Tedim gam pansan Thumaan galdo ZFU (PDF Zoland)te in, Galdo zia leh thaukap zia Vail (14)na Thusinna leh sangtuah pawi pen June 1, 2023 ni-in Len Heisa Camp ah thupitak nei thei cih thu June 7, 2024 ni-in Zoland PDF thuneite’n pulakkhia uh hi.
Hih Galdo zia leh Thaukap zia thusinna Vial (14), sangtuah pawi ah pasal / tangval 66, numei 15, vekpi gawm 81 kihel thei cih kiza hi. Thusinna sangtuah pawi a lawhcin theihna dingin gamsung gampua pan mapanpih gam leh naam it Zomipihte khempeuh tungah lungdamna lianpi a neihna uh PDF Zoland in pulak uh hi.
PDF Zoland pen Chin Brotherhood Alliance member khat hi a, abeisa May kha bei sungin Tedim khuapi a om Ukna buluh (SAC) galkapte Chin Brotherhood Alliance tawh kipawlin nasiatak do khawm uh hi. Tua Tedim kidona ah SAC te’ phualpi mun 2 lakhia zo uh a, SAC galkapte’n zong Tedim khuapi sungah Inn 40 val haltum uh hi. Tedim khuapi ah tulaitak kido/ kikapna daikik pian himah leh Mel kimulo kidona tawh kikapna om toto lai cih thu PDF Zoland thukizakna pan kizasawn hi.
Hits: 6