Sagaing Region, Kalay Township leilu lam (North) lam a om Zomite inn (1,000) kiim a teenna Pyidawtha khua pen abeisa May 1, 2024 nitak lamin Ukna buluh (SAC) galkapte in hal uh cih thu Pyidawtha khua sung mite’n Tongsan Media ah thupuak uh hi. SAC galkap leh Kalay PDF galkapte pen abeisa April 30 – May 1 ni kizom sungin Pyidawtha khua kiim-ah kikaptuah uh a, SAC pawlin Pyidawtha khua sungah inn hal mang uh hi, ci-in Pyidawtha khuami khat in gen hi.

“Kawlpi leilu (northern) lamah Pyidawtha khua mite a tai zawh uh sawt ta! Tu’n Pyidawtha khua pen SAC te in drone tawh hong kap uh ciangin, khuazang in kitaimang hi in, tu’n ka tai zawh uh ni thum kiim pha ta hi. Khua kim leh paam pan pasal pawlkhat in a gal-et uh cih loh buang cihna ding dang om tuan kei,” ci-in Pyidawtha khuami numei khat in gen beh hi.

Pyidawtha khuami khempeuh galtai mang khin uh ahih manin, khua sungah inn bangzah kihal / bangzah kangtum cih zong kitel nai lo hi, ci-in khuasung mite’n gen uh hi. Hih thu tawh kisai dottheih dingin U Nyun Win Aung(Minister of Social Affair) phone tawh akidot hangin, dawn kikna om lo hi. Kawlpi leilu lam-ah Apirl 5, 2024 ni a kipan khua guk pan inn 600 kiim kihal tum khin in, galtai vekpi tul giat (8,000) kiim om ta hi, ci-in galtaite a huh pawl in genkhia hi.

Hits: 1

Byadmin

Leave a Reply

Your email address will not be published. Required fields are marked *