September 12. 2023 || Tongsan Media Group ||
Chin State, Tonzang township ah phualsat CDF – Tonzang te’ Camp (No. 2) Camp pen Zomi Revolutionary Army (ZRA) te’n September 10, 2023 (Sunday), 09:00am hun pawlin, a (2) veina buluh uh a, CDF – Tonzang pan galkap Tg. Mang Kap Thang in gam leh nam ading a nuntakna piakhia cih thu CDF – Tonzang in thusuahna nei hi.
Hih kikapna ah Zomi Revolutionary Army (ZRA) galkapte lam pan zong liamna ngah tampi uh ahih manin, Lungtak khua lamah nung kik uh a, khuamite’ Motorcycle 7 lak sakin taipih mang uh cih thu CDF- Tonzang ii thusuahna ah gen beh uh ci hi.
Zomi Revolutionary Army (ZRA) galkapte in Christian te’ ading ni thupi khat ahi Nipi ni (Sunday) nangawn awng sak loin, CDF- Tonzang te’ No. (2) Camp a buluhna ah galkap khat sihna hangin, tuni September 10 ni pen CDF – Tonzang lehZo minam khempeuh in a kimangngilh ngeilo ding sisan luanni Sunday ni hi ding hi ci-in, CDF – Tonzang in pulakkhia hi.
Abeisa August 31, 2023 nitak lamin zong CDF – Tonzang te’ battalion (3), Tawmvei Camp pen Zomi Revolutionary Army (ZRA) te leh Ukna buluh (SAC)te kipawlin buluh khin ngei uh a, CDF – Tonzang galkap Tg. Pau Kap Thang in nuntakna bei lawh bek tham loin, a galvan tampi laksak uh hi. September 5, ni-in CDF – Tonzang in ZRA te phula kik ding cih thusuahna nei uh a, tua kawm kalah September 10 ni-in ZRA ten a (2) veina CDF – Tongzang pawlte’ Camp buluh leuleu uh ahi hi.
Source: Khonumthung & Zalen
Translated: Tongsan Admin Team
Hits: 7