September 12, 2023 || Tongsan Media Group ||
Ta-ang National Liberation Army (TNLA) leh Mandalay PDF te kipawlin Kanaung kikapna (Kanaung Operation) tungtang ah Ukna buluh (SAC) galkapte 80 si uh cih thu Mandalay PDF ten zanni September 11, 2023 nitak lam (10:00pm) hun pawlin thusuahna nei uh hi.
Hih Kanaung kikapna pen abeisa July 15, ni akipan September 10 ni sung teng Mandalay Division, Mataya, Mogok leh Shan State (Northern) lam Naung Cho, Kyauk Mee township tengah kikap uh hi a, SAC galkap lamte Captain 2, gal mai nawk makai (platoon leader) 1, galmai nawk makai huh (Deputy platoon Leader) 1 leh galkap nautang 76 si uh cih pulakkhia uh hi.
PDF lamte 2 si-in, 10 liam uh a, TNLA te a si cihte kithei cian nailo hi. Ukna buluh (SAC) galkapte’ galvan MA-1, lawng 4, MA-2 lawng 7, Ma-3 lawng 9, Sniper lawng 1, 5.56mm thautang 1875, Thautang bawm, Landmines, Khutlot bomb, Bomb neute, Mi mat ciang kizang khut henna sikkual, Lukhu, Phone, Kizopna sette leh adang vanzat tuamtuam matsak / ngah uh ci hi.
Kanaung Operation pen khawl hun om loin, tulaitak zong Ukna buluh Military Council pan Division (99), The 101st Army (Khah Lah Yah 252, 257th khut n uai a om Khah Mah Yah (502) pan galkap mimal 400 kim tawh kikaptuah uh hi. Kikapna / kipantuahna pen nasia mahmah a, tulaitak a galvai pulakna pen Kanaung Operation ii a neng khat bek ahihna Mandalay PDF ten pulakkhia uh hi.
Source: Burma Media Consortium
Translated: Tongsan Admin Team
Hits: 6