September 10, 2023 || Tongsan Media Group ||
Sagaing Division, Pale District sung a Revolution makai khat ahi Captain (Bo Naga) makaih Burmese Royal Dragon Army – MRDA te akihel Sagaing Division, Magwe Division leh Mandalay Division sung tengah SAC te ado (Revolution) pawlte kigawm uh a, Burma National Revolutionary Army (BNRA) cih min tawh kipawlna lianpi khat September 9, 2023 ni-in phuankhia ta uh cih thu BNRA pan pulakkhia uh hi.
Hih BNRA kiphuankhia ta ahih manin, abeisa akipawlna MRDA pen kiphiat / kizang nawnlo ding ci-in MRDA thukizakna phualpi pan pulak uh ci hi. ” MRDA bel kiphiatkhia ta dinga, BNRA ah Captain (Bo Naga) mahin President panmun len ding hi” ci-in MRDA Thukizakna phualpi pan thuneiten pulak uh hi. BNRA ah akihel Revolutionary te tawh kisai kilamzia leh kalsuanzia tawh kisai a hun zui-in, thupulakna kineito zel ding ci-in, genbeh hi.
“Hih Burma National Revolutionary Army (BNRA) pen Burmese Royal Dragon Army – MRDA akihel Sagaing Division, Magwe Division leh Mandalay Upper Region mun tengah kipawlna lianpi (large group), Medium group leh small group cih bangin kiciantak kiphuankhia hi a, Revolutionary hualpi thahat zawkna ding ngimna leh NUG ii Revolutionary nasepnate thahat semsemna ding bulpi khat dingin kiphuankhia ahi hi” ci-in, BNRA thuneiten Media te’ tungah genkhia hi.
BNRA pen ngimna lian thubulpi 4 tawh kiphuankhia hi a, Liangko kikim ki-ukna ahi Federal Democracy gamthak apiankhiatna ding leh Ukna buluh (SAC/MAL) ukna kici limlim abul pan lotkhiatna ding cihte akipan Mualmi thau tawite leh minam kee tuamtuam Thautawi kipawlnate khempeuh kipawlkhawm in, SAC te hemkhia ding cih ngimna bulpi kinei cih genkhia uh hi.
Source: Burma Media Consortium
Translated: Tongsan Admin Team
Hits: 6