September 10, 2023 || Tongsan Media Group ||
Brazil gammi bawlung makaih siam (Brazilian striker) minthang Neymar (Kum 31) pen abeisa kum tampi sung leitung bawlung siam minthang masa Pele dinmun khengin, Brazil bawlung kimawlna tangthu sungah Goal tam khum penin kiciamteh ta hi. Tukha September 9, 2023 ni a Brazil leh Bolivia tawh kidemna ah Neymar in Goal 2 khum ahih manin, hih Goal khupna tawh Pele dinmun kheng /kantan zo ahi hi.
Brazil Club ading Bawlung siam minthang masa ahi Pele in adam sung bawlung kimawlna vekpi gawm 92 vei akimawlna sungah Goal 77 khum hi. Tu in Neymar in tuni ciangciang kimawlna vekpi 125 vei akimawlna sungah Goal 79 khum khin ta ahih manin, ama Club tangthu ah Goal tam khum penin kiciamteh ta ahi hi. Kum 31 apha ta mai kah (Forward Striker) Neymar pen Brazilian Club Santos ah kimawl masa in, tua pan abeisa 2013 kumin Bacelona Club ah kituah hi.
Leitung bawlung Club minthang ahi Spain gam Bacelona Club ah Messi, Suarez amau teng kithuah laitak un, nasiatak kituak uh ahih manin, minthang mahmah uh hi. Abeisa 2017 kumin France gam PSG Club ah kituah leuleu hi. Tukum August kha sungin PSG Club nusia in leitung bawlung siamte sum tampi tawh aleizo Saudi Club Al Ahli ah kituah ta hi.
Source: Ayeyarwaddy Times
Translated: Tongsan Admin Team
Hits: 8