‘1027 Operation’ cih min tawh galgona sungah akihel PDF- Mandalayte in “‘Taungthaman Operation” ci-in, Ukna buluh (SAC) galkapte tawh October 26-28,2023 nithum sung nasiatak kikap uh a, Major, Captain, bawk khat zaa leh Santhum zaa cihte akihel SAC galkap kigawm vekpi 7 a pummat banah galvan tampi ngah uh cih thu PDF- Mandalay te’n October 30, 2023 ni-in pulakkhia uh hi.
Mandalay-People’s Defense Force (PDF-Mandalay) te pen National Unity Government (NUG) ii Ministry of Defense nuai a om PDF group khat hi-in, tulaitak a thahat mahmah Laizom Kipawlkhawm 3 (Three Brothers Alliance) te phuhkhiat “1027 Operation” te’ kalsuanzia leh thukhun tawh kizui-in, “Taung Tha Man Operation “kipawlna sungah a lutthak pawlmi (member) khat ahi hi.
“Galkap uk cipna a zung pan lokliat zawh nading le Federal Democracy kician kingah nading nung kik loin ka mai nawt ding uh” ci-in PDF- Mandalay in pulak hi. PDF- Mandalay leh TNLA teng pang khawmin, October 29 ni zingsang lamin Northern Shan State, Naungcho (နောင်ချို) khuapi huam Kyauk kyan khua a om SAC galphual busim uh a, SAC galkapte luang 8 si banah galvan tampi ngah beh cih kiza hi.
Hits: 5