September 23, 2023 || Tongsan Media Group ||
Chinland Council Conference neih zawhna nading ngimna tawh Working Committee for Chinland Council Conference (WCCCC) kipawlna thak khat Chinland Coulcil makaite in maitang kimu a kikupna / holimna nei uh a, tua lai pan WCCCC kiphuankhia cih thu September 22, 2023 ni-in tangko khia uh hi. Chinland Council kimuhkhawm a, thukikupna pen abeisa September 7 – 9, 2023 sung gamgi mun khatah kinei a, tua laiah CNF, Chin MPte, Township leh Area pansan kipawlna tuamtuam pan makaite akipan mimal vekpi 108 kim kihelthei cih kiza hi.
Tua thukikupna ah Revolution hun sungah Chinland Constitution piankhiat zawhna ding, Chinland Council kipawlna phuhkhiat zawhna ding leh Chinland Constitution bawlkhiat zawhna ding, Ki-uk, kimakaih zia ding,Thukhenna lam bulpi (3)teng phuhkhiat zawhna ding Conference neih ding thukimna kinei cih thu pulak hi. Vaipuak nei ding akiseh WCCCC pen Revolution hun sungah Chinland Constitution Drafting bawlkholhna leh Chinland Council Conference bawlzawhna ding akisam kiginkholhnate kisemkhia hi ci-in, WCCCC in genkhia hi.
September 7- 9, 2023 sung kibawl Chinland Council maitang kimuhkhopna khawmpi ah Falam Township sung pan Revolutionary kipawlna khat ahi Chin National Organization (CNO) leh Tedim Tonwship sung pan Spring Revolutionary kipawlna khat mah ahi Zomi Federal Union (ZFU) pan tangmite kiheltheilo cih kiza hi.
Source: Chin Journal
Translated: Tongsan Admin Team
Hits: 12