September 23, 2023 || Tongsan Media Group ||
Sagaing Division, Myin Mo township Chiyataw khuaneu kiangah khuamite a hotkhiatna hangin, PDF galkap 22 in sihlawh cih thu PDF galkapte’ kiang pan kiza hi. Zanni September 22, nitak lam (8:00pm) hun pawlin Myan Mu township, Kywat Min khuaneu pen Ukna buluh (SAC) galkapten nawk uh a, khuamite a lakkhiat / hotkhiatnop luatna kawm kalah Chiyataw khuaneu kiang Myin Mu – Myaung lampi tungah SAC galkapte’n lamphung pan na pangsim (ambushed) uh ahih manin, PDF galkapte leh mipi akigawm 25 lom sih uh cih Myaung towsnhip PDF galkap khatin genkhia hi.
“Amau pen PDF pawlte ahih manin, Mipite suahtakna ding uh hanciam lua uh ee. Lamphung pan pangsim (ambushed) mawk uh hi. A kitheih lian teh SAC galkapte’ lam pan kap masa man hi. Kikaptuahna zong bel om veve ee” ci-in PDF galkap pa in genbeh hi. Tua thupiang tungtang ah Chaw Min khua PDF galkap 15, Sagaing District No. (5) battalion pan galkap 5, Sagaing District No (6) battaion pan galkap 2, banah khuamite 3 zong thatlum uh a, a luangte bel Ambushed munah kimukhia cih kiza hi.
Kizoppih galphual (battalion) te in galvan kicing in piakhia / guan zolo ahihna hangin, Local PDF pawlte’ kiang lamah a ciah laitak in, hih bangin ambushed tuakin, a kilomsih hi cih thu PDF galkap khatin gen hi. ” Khut tawh bawl tawm Thau lawngli tang bel tawi sam.. SAC galkapte lam pan galkap 30 val kim bek hiveh aw. Bawltawm thau vive hizel mawk ahih manin, galvan kikimlohna hang himai ee” ci-in gen hi.
Tua kikapna sungah PDF galkapte misi luang 25, Bawl tawm Thau sau lawng 8, bawltawm thau tomte 2, cihteng kingah khia ci hi. Tulaitak hun ciangciang tua SAC gal mainawkna pen Myaung khuapi sung a om Bawlung tualpi ah phualsat a om SAC galkapte’ tungah tung kik khin cih kiza hi.
Source: Thanlwin Khet
Translated: Tongsan Admin Team
Hits: 10