August 12, 2023 || Tongsan Media Group ||
Ukna buluh (SAC) ukna zia tawh nasepna khempeuh a bei siang nading in, zawhthawh thu tawh ki-ukna deihlo in a do/ langpang thau tawi Mualmite khempeuh leh mipi bulphuh akiphuankhia kipawlnate khempeuh tawh kipawl in nasepkhop hun ta hi ci-in, Karen National Union (KNU), Chairman Pado Saw Kwa Htoo Win in August 12, ni a kum 73 cinna Karen Salphate Ni (the 73rd Karen Martyr’s Day) ni -in zahtakna laipi a puakna sungah genkhia hi.
SAC Minampi danin thuneihna leh ukcipna zangin Karen minamte akipan ukna kikhelna dingin galdo khempeuh kikal ah kipumkhatna leh mapankhopnate khauhpai zolo leh kho taktak nai lo hi ci-in genkhia hi. Mualmi kipawlna (Group) tuamtuamte kipumkhat in ukna buluh (SAC) te’ thuneihna pen mipi khut sung i koih kik zawh mateng hanciam khawm ding hihang ci-in Pado Saw Kwe Htoo Win gen hi. Gambup Kikap nawnloh ding thukimna (NCA) ah thukimna suaikai khin himah ta le hang SAC in thumanlopi in Ukna buluhna hangin, NCA thukimna pen a si / abei pah lian ta hi ci-in KNU in tangko khia khin ta cih genbeh hi.
Karen State, Mon State, Bago Division leh Thahintari Division sung tengah Myanmar – Thai gamgi teng pen mun / khawk 7 in khenin ukna leh thuneihna nei KNU in SACte’ ukna a buluh khit akipan Thau tawi-in galdona kilimneih mahmah ahi hi. KNU phualpi pan sazian ciaptehna tawh kizui-in, SAC ukna kum 2 sungah KNU ukna sungah gal kikapna vekpi 10000 vei val omin, inn leh lo nusia in galtai vekpi 600000 kim pha ta ci hi.
Source: RFA News
Translated: Tongsan Admin Team
Hits: 5