September 23, 2023 || Tongsan Media Group ||
Magwe Division, Gangaw khuapi huam a om SAC gal phual khat Sep 18 ni zing lam nai 4 pawlin PDF kipawl khawmte in busim uh a, SAC galkap 3 si-jn galhiam van zat nam tuamtuam gawm 15 kingah khia ci-in Gangaw District, battalion (19) in gen hi. Pyusawhtee kihel SAC galkap 20 valte’ galphual satna Kantthat khua ni suahna leilu lam Furlong khat kigamlatna mun a om galphual pen PDF kipawl khawmte in minute 20 sung kapin, SAC galkap 1 le Pyusawthe 2 si ci hi.
“SAC galkapte le Pyusawthee-te sih ka mittang tawh ka muh ngiat hi. A dangte in misi luang lakhia loin tai mang uh hi. Giah phual a galvante bel la in kem hi ung” ci-in Gangaw District battalion (19) thugen tavuan nei pa in genkhia hi. Kikapna-ah SAC lam pan gal huh ding lut lo ahih manin SAC galkapte le Pyusawthe-te in SAC kidalna gal van bawlin innpi lamah tai kek mang uh, ci-in thu gen mangpi in gen zom hi.
Kikapna a man khit ciangin, Rifle lawngtom (Carbine) 9, Greener lawng 6, rifle lawngtom (Carbine) tang kholna bawm 18, MA tang kholna bawm 7, rifle lawngtom (Carbine) tang 900, Greener tang 200, MA tang 15le Enaga ki ci bomb tang 5 cihteng kingah khia a, PDF lam pan aliam abai omlo ci-in gen beh hi.
Kikap kidona Gangaw Distric battalion 7, 18 le 18, CDF-Mindat battalion 2, Pongtawng Galong leh Ponnyar Mountain Pakapha kipawl khawmte in mapang khawm hi. A beisa August 21 ni zing lam nai 9 kimin Gangaw District Kyaw myo leilu lam ni tumna Kapasa 23 galvai-ah a lunglut huai mahmah mun ahi SAC galphual Yaw Defense Force in kap uh hi. SAC lam pan mi 3 si-in, MA-3 lawng 2, thautang kholna bawm 13 leh thautang 343, galvan kitawina 4, bag 1, phone 4 le Power bank 2 cih teng ngah uh ci hi.
Ref: Myaelatt Athan
Translated: Tongsan Admin Team
Hits: 4