September 24, 2023 || Tongsan Media Group ||
Shan State, Muse leh Kutkhaing township sungah Ta’ang National Liberation Army (TNLA) leh Ukna buluh (SAC) galkapte September 22 ni-in kikapna om zel-in, TNLA pawlte’n SAC galkapte’ galvan tampi ngah uh cih thu TNLA in September 23 ni in pulakkhia hi. Hih Muse leh Kutkhaing township sung kikapna pen September 22 ni nikhat sung bekbek in 3 vei kikapna nei uh a, SAC te in vanlam zong pan kap uh ci hi.
Muse khuapi huam Saikawng, Hopaw khua kim leh Kutkhaing khuapi huam Kaungmuya kimah ki kapna piang ci-in TNLA in pulak khia hi. Kikapna mun 3 ah SAC galkapte a si a liam tampi om banah thau lawng 3, khut ngakna om thau lawng 2, 60 MM tang 6, bomb tangte bek thamlo galvan tuamtuam ngah khia ci hi. Saikawng le Hopaw khua kimah galphual sat a om SAC galkapte leh Pyituhsit kici SAC khut nuai a thau tawi pawlte leh TNLA te Kutkhaing township, Kaungmuya khua kimah kikap uh akikap uh ci hi. Tua kikapna-ah SAC galkap lam pan drone 2 vei zang uh ci-in TNLA thugenpi Lieutenant Colonel Tay Ai Kyaw in genkhia hi.
SAC galkapte in September 22 ni kikapna-ah Lashio galphual pan Mi-35 gal vanleng zangin 2 vei sitset kapna nei SAC Lwekyelauh gal phual, Namhpatkar galphual le kikapna mun phual ahi Nathan, Mankan, Hkomone le Hopawt khua kimte-ah thaupi tang 50 vei val tu, ci-in genbeh uh hi. TNLA le SAC galkapte abeisa July 23 ni-in kikapna nasiatak a kizomsuak a kha nih sungin kido kikapna 55 vei val om ci hi.
Ref: Yangon Khittit & People’s Spring
Translated: Tongsan Admin Team
Hits: 7