August 26, 2023 || Tongsan Media Group ||
Norway gamin Ukraine te F- 16 Jet fighter gal vanleng huhna piakhia uh cih thu Norwegian Prime Minister Jonas Gahr Støre in Ukraine gam Kiev khuapi a zinna ah pulakkhia hi. A piakkhiat uh F – 16 Jet fighter te bel mal bangzah cih kicianin pulakna nei lo cih himah leh atawm pen mal 10 sangin tawm zaw lo ding cih genkhia hi. Norway pen Netherland leh Denmark zomah Russia galdona ah Ukraine te’ zat ding F – 16 Jet fighter apiakhia Europe gamah a gam 3 na ahi hi.
Ukraine gam naupang tampite Russia gam sungah a kihawlkhia a om mi 11te leh kipawlna (Organization) 2 te sumbawl sumzuakna lam khaktanna (Sanction) nei uh cih Americanten tangko uh hi. Naupangte lungsim ngaihsut hoihlo hilhna sang leh Camp te ah zawhthawh thu tawh a puakna ah kihel ahih manin, hih mi 11 leh kipawlna 2 te tungah khaktanna kibawl ahihna thu America gampua lam vaisaipi Mr. Tony Bliken in pulak uh hi.
Russia te’n gamtat poina leh ngongtatna tampi a bawlna hangin America ten Russia tawh mapang khawmlo ahihna UN Security Council Meeting ah UN America Ambassador to the United Nations ahi Linda Thomas Greenfield in genkhia hi. Russia ten Ukraine a do akipan naupang 19500 valte hawlkhia / ciahsak uh cih thu Ukraine ten gen hi.
Source: VOA
Translated: Tongsan Admin
Ref; Norway Donates F-16 Fighter Jets to Ukraine
Hits: 6