October 9, 2023 || Tongsan Media Group ||
Mizoram State, Champhai District, Champhai khuapi pansan a kiphutkhia Zomi Cultural Society (ZCS) makaihna leh hanciamna tawh Zomi Cultural Center (ZCC) Innpi lamna ding Suang phumna hun pen October 9, 2023 (Monday), zingsang 7:30am hunin Pu TJ Lalnuntluanga, MLA, Champhai South in Vengthar Tlangnuam, Champhai ah thupitak kineithei hi. Zomi Cultural Society (ZCS) Mizoram, hanciamna tawh Zomi Culture Center Innpi pen NEC fund, Rs 478 Lakh (INR) bei-in, kilam hi-in, tu-in foundation ciang kizo ta ci hi.
Hih bangin Innpi lamna kipattheihna dingin a bulpi (Foundation) hong patsak a, akul leh kitangsam banga zumkong-mangkong ah a hanciam Pa T. Thang, President, ZCS Hqrs Mizoram tungah akuama ciat kilungdam mahmah cih Suang phumna ah akihelten gen uh ci hi. Suang phumna hunah Pu James Lalrinchhana, Deputy Comsissioner Champhai in makaih a, Rev. Dai Do Thang, Executive Secretary, ZBC in hun-apna nei-in, Pa T. Thang, President, ZCS Hqtrs. in thutom genna nei hi. Hih hunah kumpi lam pan official leh minam makai 60 val kihel thei uh ci-in, Rev. Sawm lian in Tongsan Media tanute tungah gen hi.
Reported by: Rev. Sawm Lian, Champhai (Tongsan Reporter & Columnist)
Hits: 4