India gam Mizoram State, Champhai District, Zokhawthawr khua ah Assam Rifles galkapte in abeisa October 13 ni-in Kg. 15 apha lungtho zatui (Methamphetamine) namte Kawl gammi khat tung pan man khia cih thu kiza hi. Akimanpa pen Myanmar gam Chin State, Tedim township sung Haimual khua a teng Tg. Kam Biak Tung (Kum 24) hi a, thukipuak simna tungtawn in Assam Rifles galkapte’n a man uh cih thu Mizo Newspaper ah kisuahkhia hi.
Akiman lungtho zatuite pen Rs. Teng (4500) kim man dingin gen uh a, Mizoram gamah abeisa October 3 leh 4 ni-in zong Kawl gammi numei 1 leh pasal 1 tung pan Rs. Teng (6000) kim man ding lungtho zatui (Methamphetamine) te mah tual sung thuneite in man uh hi.
October 7, 2023 ni mahin zong Mizoram, Champhai District Zokhawthar leh Melbuk khua kikal ah Rs. Teng 26 val man ( MMK. Teng 900) val man ding Cigarettes bawm 17, Beer bawm 88, Wine bawm 16 lh Wisky hon khat Assam Rifiles galkapten man khin uh hi.
Tusawng tengin khamtheih zatui tawh akiman Kawlgam mi tam semsem ahih manin, Mizoram kumpi in zong gamgi ah velcianna leh khaktanna nasiatak nei uh a, luahuai leh kidop huai ci-in, Kawlgam pan galtaite in gen uh hi.
Hits: 7