SAC galkapbu khat ahi General Nyo Saw pen abeisa khakhat val sung kiman / kikem cih thu thang a kizakkhit nungah nung kal sungin SAC galkap makaipi Senior General Min Aung Hlaing tawh kimuhna nei kik in, mipite’ muhna ah kilangkik hi. May 11, 2024 ni-in SAC galkap makaipi Senior General Min Aung Hlaing in Shan State lei taw lam (Southern) Kyaihtong Khuapi ah kiphualsat galkapte (တြိဂံဒေသတိုင်းစစ်ဌာနချုပ် စစ်ကောင်စီတပ်ဖွဲ့ဝင်) innkuanpihte tawh kimuhna va nei-in, tua laiah General Nyo Saw tawh kimukik thei cih kimukhia hi.
General Saw pen SAC member leh galkap makaite’ thudotpi khat hi in လယ္/ဆည္ minister lui U Myint Hlaing thu tawh kizomin USDP Party a tung galkap ulian lui (General), abeisa hun lai-in (ကစထ ၄ မွူး) Aung Soe tawh kiman khawmin thusitna thuak uh cih thu kiza hi. Tua bang thuthang a om khit General Nyo Saw pen nung April kha sung a kibawl SAC Meetings-ah kihel khalo banah SAC te’ kimuhkhopna hun zongah SAC makaipi huh Junior General Soe Win tawh mipite’ muhna ah kidawk nawnlo uh hi.
SAC galkap sang Military Academy No. 23 batch General Nyo Saw pen Myanmar Economic Co-oporation (MEC) Chairman hihna pan 2023 July kha-in SAC makaite in thudotpi (Advisor) panmun pia uh hi. Tua banah 2023 September kha-in SAC Member lui General Moe Myint Tun golhguk vai tawh khantawn thong khum ding akikhensat khit nungah General Nyo Saw pen SAC Member sungah kibehlap ahi hi.
Hits: 3