Syria gam Damascus khuapi kiang ah January 20, 2024 ni sun lamin Israel te’n galvanleng tawh a kapna hangin Iran thukan mangpi Brigadier General General Sadegh Omidzadeh leh adang Officer 4 te ahi; Hojatullah Omidhar, Ali Aghazadeh, Hossein Mohammadi, and Saeed Karimi cih teng si cih thu Iran Information Depertment in pulakkhia hi. Hih Iran Officer teng banah Syria officer tampi kihel lai ci hi.
Iran thukan pawl (Iranian intelligence officer) te leh Syria galkap palaite kimuhna leh thukikupna a neih laitak un, Israel te’n gal vanleng tawh a kap uh hi cih thu Iranian leh Syria thuthak lam sai pawlin genkhia hi. Hih Officer te pen ngim gige in, a kapna Israel Zion Kumpi (Israel’s Zionist government) te tungah phuba ka la kik ding uh hi ci-in Iranian galkap ten thu pulakna nei uh hi.
Hits: 0