Mihing suahtakna / thuneihna (Human rights) leh Ngongtat nasepna suksiatna (fighting terrorism) lamah Afghan Taliban government leh Iranian government gamnih mapang khawm ding thukimna nei uh cih thu January 20, 2024 ni-in Iranian government in pulakkhia hi. Afghanistan gam Kabul khuapi a om Iranian President’s Special envoy Mr. Hasan Kazmi leh Taliban’s thukhen pawlte (Taliban’s judicial council members) te’n thukikupna pan khensatna nei uh ci hi.
Ngongtat nasepna lam suksiatna tawh kisai-in, gamnih kipawlin Committee phuhkhiat ding leh thukimna a neih bang mahin, Mihing suahtakna lam (Human rights) zongah thukhen Kipawlna (joint committee) phuh dingin thukimna nei uh cih thusuahna nei uh hi. Tua thukikupna pen Iran kumpi palai (President’s Special envoy)leh Iranian thukhen kipawlna makaipite kihel uh a, Afghanistan lam pan Taliban foreign Minister kihelthei ci hi.
Iranian leh Pakistan kikaptuahna leh bomb kikhiatnate a manlang a khawlna ding Taliban te’n palai sem uh cih thu akizak khitteh Iranian Palai (high-level Iranian delegation )tem Kabul khuapi va hawh uh cih Afghanistan pansan thuthak saite’n gen uh hi.
Hits: 0