Sagaing Division, Kalaymyo, Kaplei veng (Doweichaung) khua sungah nung sung deuh a phualsat a om SAC galphual pen khuami PDF pawlin busim in nasiatak langnih kikapna om cih kiza hi. Tuni November 21, 2023 zingsang (04:00am) hunin Kapleiveng khua kiang SAC Camp kongpi (Gate) pen PDF pawlin kap uh a, langnih nasiatak kikaptuahna hangin, Kaplei veng (Doweichaung) khua sung inn pawl khat kisiacip banah khuami Pa Suan Lam Pau ii tapa Tg. Mung Sawm Sang (Kum 4) leh SAC galphual kiang lam ateng Pa Hau Lian Thang (Kum 40) te in sihlawh uh ci hi.
“Misi Tg. Mung Sawm Sang pen a lutang leh a nungzang Thautang in kha in sipah suak ve! A nu bel a nungzang liam, misipa U nu pen akhut / aban kitan in Zato kipuak uh hi. Amau inn pan ka paikhiat kawmin a vengte’ inn a kisiagawp mu ing! Ka launa leh ka lunghimawhna tawh kim leh pam zong tam en ngam loin nawhsa takin tai mengmeng ing” ci-in a meltheih khatin genkhia hi.
SAC pawlin Kalaymyo pan Thaupi tawh a phial kapna hangin Kaplei veng (Doweichaung) banah a kim a khuate ahi; Nyaungtaw khua, Hantha khua, Ngapyau taw khua, Pinkhong gyi, Pyidawtha khua leh Letpanchaung khua mite inn le lo nusia in galtai mang uh cih kiza hi. Tua banah Letpanchaung khua a om SDA biakinn zong kisiagawp banah Pawlpikem siapa zong liamna ngah cih kiza hi. PDF te a nungkik khit, zinglam nai (09:00am) hun ciang dong Thaupi gingging lai hi. Kaplei veng khua lutna Kongpi (Gate) leh khua sungah SAC galkap tam mahmah uh ci hi.
Hits: 6