Sagaing Division, Kalaymyo leitaw lam Thanphu (သံဖို) khua gei ah phualsat a om Yangyi Aung SAC galphual pen November 23, 2023 ni zingsang lamin PDF kipawlkhawmte in busim in sutkhiazo ci-in Tongsan Media tungah kizasak hi. Thanphu khua pen Kalaymyo pan tai 24 kigamla mun SAC galkap pawlin kiptak aphualsatna mun hi a November 23 ni zingsang lam (06:00am) hun pawlin PDF Kalay, CDF-KKG, CNDF leh PDF (Pakaphah) kipawlkhawmte in busim uh a, sunlam nai (10:13am) hunin lakhia zo ci hi.

“ Hih Yangyi-aung galphual kisutkhia zota! SAC galkap pawl luanghawm leh thau tampi kingah khia! Pawlkhat bel tai mang uh” ci-in kikapna sungah akihel PDF galkap khatin Tongsan Media ah genkhia hi. Hih kikapna sungah SAC galkap lam pan Captain Than Naing leh nautang 11 si uh a, pawlkhat hing mat ci hi. A kihingmat SAC galkapte leh a kingah khia galvalte tawh kisai kiciantak gencian theihna om nai lo hi. PDF kipawlkhawmte lam pan 2 si-in 6 liam uh ci hi. SAC pawlin gal huh ding vanleng samin, bomb a khiat ziahziah sungin PDF kipawlkhawmte in hih Yangyi Aung galphual a kingah khiazo, ci-in galkuan khatin genbeh h.

Yangyi-aung SAC galphual pen abeisa November 4, 2023 ni-in PDF pawlin abusim / a ngahkhiat uh ahi Myauksi (မြောက်စည်း) palik phualpi tawh tai khat (1 mile) bek kigamlatna munah om hi-in, November 3, 2023 ni-in zong kikapna nasiatak om khin hi. Tua banah November 22 ni-in Kalaymyo leh a kim a pam khuate SAC pawl thaupi mawk lotna hangin kum 4 gual naupangg khatin sih lawh a, 15 valte’n liamna tuak uh hi.

Hits: 9

Byadmin

Leave a Reply

Your email address will not be published. Required fields are marked *