Sagaing Division, Khamti District, Shwe Pyi Aye khuapi ah tuni November 23, 2023 ni zingsang tung akipan PDF kipawl khawmte in busim uh a, SAC pawl 8 hingmat in, khuapi a lakkhiatna ding galphual neu khat bekin sam lai cih thu Khamti District PDF tung pan kiza hi.
” Tuni Shwe Pyi Aye khuapi ah SAC galkap, PDF galkap, Shanni National Army (SNA) galphualte pen Vanlam tawh hong kapna kawmkal ah kilut hi-in Thauvui, thautang tampi kingahkhia hi. Galte 8 kihingmat hi.Khuapi lak zawhna ding galdona ah SAC galphual neu khat lakkhiat ding bel om lai” ci-in Khamti District PDF vaisai khatin genkhia hi.
Ahing akiman galmat 8 te pen galkap, Pyituhsit leh Shanni National Army (SNA) galkapte kihel uh a, galvan Kabai, G3, Zothau kaa leh 60MM Seinpiang akihel galvan nam kim lawng 30 kim leh thautang tampi kisutkhia zo hi. Hih Shwe Pyi Aye khuapi a om SAC galphualte pen No. 1, PDF battalion, Township Pah Phah Kah/ Pah Lah Phah kipawlkhawmte, Allianed galkapte kigawmin kapkhawm uh ci hi.
” Shwe Pyi Aye khua pen PDF in a lakkhiat zawh leh Chindwin gunpi dung teng lauhuaina om thei ding suak ve! Homalin leh Phon Pyan khuapi zong SAC galkapte’n docip /nang cip uh hi. Phaung Pyin township, Lwin Gyi galphual zong do san laitak cih kiza hi. Kikapna om ahih manin, khuamite taikhia uh hi.” ci-in Phaung Pyi khuami khatin gen hi. Homalin khuapi leh Phaungpyan khuapi kikal a om Shwepyi Aye khuapi pen Chindwin gunpi leilu lam Mualtung lampi, tui lampi cihte kituahna khuapi hi cih khuamite’ tung pan kiza hi.
Hits: 7