Karenni (Kayah) State “Mobye 11.11 Operation” galmai nawk pawlin ukna buluh (SAC) te’ muan pen galphualpi ahi Mualtung galphual leh adang Camp mun 8 pen Unau belpawlte (Three Brotherhood Alliance) te’n lakhia / sutkhiazo taktak ta cih thu “Mobye 11.11 Operation Alliance” pawlin tuni November 16, 2023 ni-in thusuahna nei uh hi.
Mobye khuapi leh Phekong Area kimah Central Region, Shan Taung Strategy (1) Battalion kici teng ahi; (1001) Battalion MB-1; (1002) Battalion PK-1; (1006) Battalion PK-2; (1007) Battalion MB2; (1004) PKS PDF, Shan Taung Strategy (2) battalions are the (1003) battalion; (1005) Battalion (1008) Battalion (1009) Battalion 2 (1011) hi uh a, tua banah Battalion KNDF Strategy (1) The battalion teng leuleu pen KNDF BO-3; KNDF BO-11, Operation Mobye 11.11 (MB11.11), KNDF BO-22 leh Urban Revolutionary Front (U.R.F) resistance forces cih teng pen abeisa November 11, 2023 ni-in kipankhin cih kiza hi.
Mobye, Phekong Area sung a om Ukna buluh (SAC) pawl ii panlakna gal phualpite, van puak pawlte’ galphual (Supports post) teng nasiatak busim in kap uh ci hi. Tua banah Wari Sufalai, Dundu Tang, Puai gone 3, Puai gone 1, Nyaung Wai, Peking Kawkhu, Saungkan leh Shika 2 khuaneu cih sung tengah phualsat a om ukna buluh (SAC) Camp 8 teng busim masa in, sutkhiazo uh cih kiza hi.
Ukna buluh (SAC) in Thaupi tawh 500 val vei kap uh a, Galvanleng tawh 2 vei val huhin a kapna ah khuamite 4 si-in, 6 in liamna tuak uh hi. Mobye township, Settawya mual tungah ah kum khat val phualsat a om Mobye khuapi pansan Khah Mah Yah (518) galkapte pen November 15, 2023 nitak lamin mipi galkap pawlin sutkhiazo uh hi. Hih Settawya mualtung pen SAC pawlin pansan in a neih mahmahna munpi khat ahi hi.
” Mobye 11.11 Operation” kipat cilni November 11, ni pan 15, ni ciangciang Ukna buluh (SAC) lam pawlin Vanleng tawh 26 vei nasiatak kap uh cih thu Khuapi galkap kici Urban Revolutionary Front (U.R.F) pawlin gen uh hi. ” Mobye khuabup a kingah cih hilo hi. Ahi zongin galvai omzia hoih khat kibawlthei lua hi. Tulaitak lianin zong Kikapna kikhawl nai peuh mah lo hi” ci-in Karenni Revolutionary Front pan galkap thuneiten gen hi.
Moye leh Phekhong area sung a om Ukna buluh (SAC) galkapte in galvan thauvui thautangte nusia in taimang uh ahih manin, Unau belpawl (Three Brotherhood Alliance) te in mun leh phual siansakna / etcikna leh a thupi nasepnate zong sem leh bawl ta uh ci-in, pulakkhia hi.
Tua ahih manin, mipite tawh kisai-in, Mobye khuapi sung pen hun ciangtan om loin, kithuzakna olzaw ahih manin, tai khiat mang dingin mipite zaksakna nei hi. Tua banah galvan suhkhiatna leh galmatte vai tawh kisai dinmunte zong gal kikapna a bei siang hun ciangin, pulakkik dingin zaksakna nei uh hi.
Hits: 3