Mon State, ကျိုက်မရော (Kyaik Mayaw khuapi huam ချောင်းနှစ်ခွ (Chuang Hna Khwa) a om Police staion leh Gunlei kongkhak (Gate) ah abeisa November 10-15 (ni guk) sung kikapna-ah SAC galkap pawl ဗိုလ်မှူး (Major 2), ဒုဗိုလ် (Lieutenant 3) vekpi gawm 22 si-in, 28 te a galvan ciat uh tawh kipumpiak cih thu Special Operations Forces pan makai khatin genkhia hi.
November 10 ni pan Karen National Liberation Army (KNLA), Special Operations Forces (S.O.F) pan Drone Force pawlte in November 11 ni zankim (12:00am) hunin galhuh apai SAC battalion (22) khut nuai a om Infantry (81)te tawh Phet Htee kone (ဖက်ထေးကုန်း) khuaneu hanmual kiangah nasiatak kikap uh a, SAC galkap 3 sipah in, 7 nasiatak liam bek tham loin, galvan tampi ngah khia uh ci hi. November 12 ni zingsang (8:30am) hunin Phayakone (ဘုရားကုန်း) kim ah phualsat a om SAC galkap 54 te leh KNLA, PDF kipawlkhawmte kikap leuleu uh a, SAC pan ဗိုလ်မှူး (Major 1), ဒုဗိုလ် (Lieutenant 1), si uh ci hi.
Tua banah November 13 ni zingsang lamin Phet Htee Kone (ဖက်ထေးကုန်း) khua sung Pha ya kone (ဘုရားကုန်း) munah nasiatak kikapna om leuleu in, sun lam (1:45pm) hun pawlin SAC lamte a si a liam tampitak om banah a dam sun teng zong amau galvan ciat tawh kipumpiak (Surrender) uh ci hi. Hih kikapna sungah SAC Major 1, Lieutenant 2 tawh kigawm 14 si uh a, 28 kihingmat in, adang 12 te taimang uh ci hi.
Kikapna kizom suakin November 15 ni zankim pawlin a nung kik SAC galkapte tawh lamkal pan ki kaptuah kik uh a, tua laiah SAC galkapte 5 si-in gal hiam honkhat kingahbeh hi. Ni 6 sung kikapna-ah SAC galkapte vekpi gawm mi 22 si-in, 28 galvan tawh kipumpiak uh hi. Tua banah Thau nam tuamtuam lawng 55, zong ngahkhia zo uh hi. Mipi galkapte pawl KNLA leh Special Operation Force lamte zong 3 si cih kiza hi.
Hits: 4