Kachin Independent Army (KIA) Chief, Liutenant General Hkawng Lum (Kum 62) pen May 13, 2024 nitak lamin sin natna (Liver) tawh KIA Headquarters, Laiza khuapi pan hong nusia cih thu KIA Information vaisaipi Major Naw Bo in genkhia hi. “KIA Chief, Liutenant General Hkawng Lum in tuni nitak lam (6:23PM) kiimin hong nusia hi,” ci-in Major Naw Bo in gen hi.
A sihna a hang bel hun sawt simsim sin natna (Liver) a nei hi-in, Zatui, zaha tawh kum 2, 3 sung bang kibawl cih bang himah leh SAC galdona vai tam teng tawh limtak kibawl theilo himai hi. Abeisa April kha sungin Zato kahna pan a tuak khin hi a, ahi zongin hih bangin hong nusia vat suak ” ci-in Major Naw Bo in genbeh hi.
Kachin News in a genna ah “Sin natna mah tawh hong nusia himai. Nung kal sungin zong thungetna hong neih pih un! cih a gen lam zong thekha lai ing,” ci hi. General Hkawng Lum a sih in kum 62 a pha Ukna buluh (SAC) a do KIA pawlte’ makaipi khat ahi hi. “Galdona mun tampi kinei khin a, tuate hangin lungdam lua leh lawp lua hi ding hiam? KIA makai panmun hong ngah akipan KIA galdona ah kimai-nawt mahmahh in, tua hang teng tawh a tha zawm lawh gawp hi thei ding hiveh aw,! Lungkiatna leh thanemna khawng nei lo ding hi veh aw! Amah zahin galvai a siam leh a kivaa bel om saam,” ci-in Kachin News Source khat in pulak hi.
Tu laitak KIA Deputy Chiefs of Staff nih om a, General Aung Sai La leh Brigadier General Zaw Taung ahi uh hi. October 2023 panin Lt. Col. Ke Loon in KIA Commander-in-Chief a sep October, 2023 pan kipanin KIA in SAC galphualte khat khit khat lakhia ziahziah uh a, Shan State leilum lam leh Kachin State sung-aa SAC Sakhante zong lakhia zo uh hi. March 7, 2024 ni-in kidona nasia in, Sakhan (Camp) kila-in Laiza kiim Wai Hmaw, Momauk, Mansi, Bahmaw, Saejel, Phakant, Tanai, Suampradom, Myitkyina cihte pan SAC battalion Camp, battilion headquaters cihte lakhiazo uh hi.
Chief Liutenant General Hkawng Lum in KIA (Commander-in-Chief) banah Military Region No. 1 of the Ministry of Defense of the National Unity Government-ah zong Commander mah ahi hi. Military Region No. 1 sungah Sagaing, Magway, Mandalay leh Shan State mun pawlkhat kihel hi. A mahin art lam uk, a ma nuaite theisiam ing. Gal lah siamin makai gina khat lah hi sawnsawn lai hi,” ci-in KIA ukna huam-ah training kahin General Hkawng Lum tawh a ki thuah kha ngei Sagaing Region pan PDF khat in gen hi.
Lungphona makai minthang Dr. Teza San in zong,” Nuamtakin tawlnga in, Dukba! Dukba in Revolutiobary leh gam lrh mipi’ ading a vaipuak khengval-in na sem hi. Gam leh mipi’ ading tangthu in a piak Revolution vaipuak pen kote in hih theihna bangbang tawh na hanciam ding hi ung,” ci-in KIA Commander-in-Chief sihna-ah a dahna thu a Facebook-ah suah hi.
Hits: 1