Kachin State, Shweku Township sung a om SAC te’ galphualpi mun 2 pen Kachin Independent Army (KIA) leh PDF kipawl khawmte’n tuni October 18, 2023 ni zingsang lamin busim in suankhia zo uh cih KIA thukizakna zumpi pan vaisaipi Colonel Nawbu in genkhia hi. Shweku – Ba Hmaw lam lianpi tung a om Ngabatgyi khuaneu a om Ukna buluh (SAC) te Kha Mah Yah (602) galphual leh Kha Lah Yah (56) galphual nih pen October 18, ni zingsang lamn kap uh a, buluah zo uh cih thu Kachin galkap thukizakna phualpi thukizakna vaisai khatin zong genbeh hi.
“Zingsang 06:00am hunin 802 galphual kilakhia zo in, nai 10:40 am hunin galphual dang khat kilakhia leuleu hi. Ngabatgyi khua gei ah galphual nih kizom in a om khawm ahi hi. Ukna buluh (SAC) galkapte pen Shweku khuapi lamah nungkik uh hi. Galphual khempeuh mei tawh haltum khin ung” ci-in Kachin galkapte thukizakna phual pan kiciantak gen uh hi.
Ukna buluh (SAC) galkapte’ tung pan Thau honkhat leh thautang, thauvui tampi, galvan zat nam tuamtuam tampi kingah khia cih thuthak saiten gen uh hi. Akingah khia galvante pen kihong / ki-en thei nailo ahih manin, kikemcip phot a, akikem zah sangin tamzaw tham thei dingin kilamen cih thu genbeh hi.
“Galvan bel tam lua. Akihongkhia nailo zong om lai hiven! Mawtaw khat dim om lai ei! “ ci-in genkhia hi. Galphual 2 akilak khitteh galphual a om Innte kihamtum hi ci-in Colonel Nawbu in gehbeh hi. Tuni kikapna sungah ko kipawlkhawmte’ lam pan a si aliam omlo ci hi.
Galphual a suplawh uh ukba buluh (SAC)te in Shweku khuapi sung a phualsatna pan Thaupi tawh kap uh ci-in khuamite’n gen uh hi. Kachin gam kikapna mun tuamtuamte ah SAC galkapte in Van lam zangin nasiatak kap zel uh himah leh tuni October 18, zingsang galphual mun 2 a kilakhiat sakna tungtang ah SAC ten vanleng zang lo bilbel uh ci-in genkhia uh hi.
Hits: 6