Chin State, leilu lam Tonzang Township, Lungtak khuat ah tukha May 11, 2024 nitak lamin ukna buluh (SAC) in vanlam pan bomb khiatna hangin biakinn nih leh inn li kisiazan cih thu kiza hi. Tulaitak Tonzang Township ah Chin National Army (CNA)pawlte leh ZRA te kikal kidona nasia mahmah cih thu Lungtak khuamite’n gen uh hi.
Hih gal kidona hangin Tonzang khuapi ah galtai dingte a lut theihlohna dingin kizopna lampite SAC in pang / khak cip ahih manin Lungtak Khua, Phaitu le Nakzang cih khuate mipi 1,000 kiim galtai uh kici hi. “Kikap ding vai bel ka zak uh sawt ta.! Tua hangin khua mite kitaikhol ahih manin vanleng tawh bomb hong khiat uh teh mipite kuamah sukhalo suak ” ci-in khuasung mi khatin genkhia hi.
SAC te’n vanlam pan hong dona hangin Roman Catholic biakinn leh Zo Baptist Church biakinnte kisiazan ci hi. May 3 ni-in Tonzang Township-ah kidolohna dingin Tonzang khua upate leh biakna makaite’n ngetna leh zaksakna nei uh ci hi.
Hits: 4