Kokang District a om ukna buluh (SAC) Camp 3 tuni November 15, 2023 ni-in MNDAA pawlin lakhia /sutkhiazo leuleu uh cih thu Kokang galkap (MNDAA) thugenpi Li Kya Win in genkhia hi. ” 1027 Operation” galdona ni 20 cinni tuni November 15, ni-in galvai dinmun zong genbeh hi. ” Tuni bel ukna buluh (SAC) Camp 3 kilakhiazo leuleu hi. Amun lian ahih leh Kokang District leilu lam a om Maw Thaik Area kim teng hiven! Tua sung teng a om SAC Camp 3 teng hipah! “ ci-in MNDAA thugenpi Li Kya Win in genbeh hi.
Hih SAC Camp 3 banah MNDAA leh Rakhine galkap (AA) kipawl khawmte in a lakkhiat uh SAC Camp vekpi 147 pha ta hi. Tua banah Ta’ang galkap (TNLA) in zong tuni Nov. 15 ni zingsang ciangciang SAC Camp 36 sang tawmzaw lo lakhia khin ta uh a, ” 1027 Operation” galdona sung khempeuh ah SAC Camp vekpi gawm 183 kilakhia / kisutkhia zo ta hi.
TNLA in zong galkikapna vai genkhiatna ah Kyaukme Township, Naung Pyit khua lamka ah TNLA leh SAC galkapte nasiatak kikap uh hi. SAC galkapte in (howitzer weapons) kici Thaupi tawh 30 veii, Galvanleng tawh 2 vei kap uh a, Kyaukme township, Naung Peng khuaneu a om mipite’ tenna inn leh Phungzi sangte nasiatak kisia gawp cih thu Photote tawh lakkhia uh hi.
Hits: 3