Pagu Division, Taungngo District, Zeyawati khuapi ah Taungngo No. 2, Police Station pan Deputy Superintendent U Ne Win Htun akihel Police 3 te November 14, 2023 ni-in PDF pawlin kaplum uh cih thu Police thukizakna phualpi in pulakkhia uh hi. ” Ziyawati ah Palik 2 zong si in, 1 bel suakta hi. Palikbu (Deputy Superintendent) U Ne Win Htun ii luang hawm pen tulaitak Taungngo No. 2, Police station sung a om misi sazian ciamtehna laibu sungah kum 43 pha ta in kigelh “ cih thu Police zumpi thukizakna pan genkhia uh hi. Asi palik bu (Deputy Police Chief) Ne Win Htun pen galmai nawkna ah si ahih mah bangin, mulkim huai takin akibawlsiat khit nungah kikaplum cih thu Police zumpi in genkhia hi.
Tua banah Rakhine State, Maungdaw township, Kan Pyan Thasi khuaneu kiangah galvan tawh akipumpiak nuamlo ukan buluh (SAC) galkapte zong kisulzuih in nasiatak kikapna pan SAC galkap 5 si uh a, honkhat liam uh cih thu Rakhine galkap (AA) te’n pulakkhia hi. Tuni Nov. 15, 2023 ni zingsang (05:36am) hun pawlin Maungdaw township, Kanpyan Thasi khuaneu nisuah na leilu lam Km. 3.3 gamlatna ah Thau khia-in kipumpiak (surrender) ding zasak uh hi.
Ahi zongin galvan a khia nuamlo Ukna buluh (SAC) galkapte kisulzon pahin, nasiatak kikapna pan SAC galkapte 5 sipah in, honpi khat liam uh cih kiza hi. Rakhine galkapte in bel ukna buluh (SAC) galkapte galvan khia-in, kipumpiak ding a zaksaksa uh hi a, akhia nuamlo / kipumpiak (Surrender) nuamlote peuh mah tatsat loin, kizialmang suak lai ding ci-in, AA pawlin zaksakna nei uh hi.
Hits: 5