Kokang galkap (MNDAA) leh akipawlpih (three brotherly Alliance) ahi; Arakan Army (AA); Ta’ang galkap (TNLA)tengin ” Operation 1027″ cih min tawh Northern Shan State sung a galsimna-ah ukna buluh (SAC) galkapte’ galphual 70 val busim in kilakhiazo cih MNDAA thukizakna phualpi pan thugenpi Lee Kya Win in genkhia hi.
Kikapna pen abeisa October 27, 2023 ni akipan October 30, 2023 nitak lam ciangciang ni 4 sung kikapna ah SAC te’ galphual lakna leh khuapi ukcip zawhna tawh kisai Laizom 3 kipawlkhawm (Three Brothers Alliance)te’n galphual (Camp) vekpi 70 val lakhia / sutkhiazo ta cih thu MNDAA pan thugenpipa in gen beh hi.
” Laizom 3 Kipawlna (Three Brotherly Alliance) te’n galphual 70 val kisutkhia zo ta! Galmat tawh kisai bel mun pawl khatah kikapna pan akiman omin, galphual siahsuahna mun pawl khatte bel ah kimankhia nailo ahih manin, galmat vekpi kiciantak kipulakkhia thei nailo suak ve! Ahi zongin October 29, nikhat sung bekbek in galmat vekpi 30 kimanzo ta “ ci-in MNDAA thugenpipa in gen hi.
Kikapna sungah Ukna buluh (SAC) galkapte’ tung pan Thautang dalna leh Tank Mawtaw 4 sutkhia uh a, Thaupi leh thauneu namkim zong alompi in sutkhia zo uh ci hi. ” Khuapi lakna / ukcip zawhna tawh kisai ah tuni ciangciang Chin Shwe Haw khuapi bek hiphot hi. Pone Sai khuapi zong a tamzaw tham kilakhia zo suak hi. A vekpi in lakkhia thei nailo deuh “ ci-in MNDAA thugenpi in genbeh hi. “Tuni October 30, 2023 ni kikapna sungah Mongku, Pone Sai Area kim a om SAC galphual khempeuh kibuluak mang khin ta ci hi. Phon Sai khua sung bel ah SAC galkapte om nawnlo uh hita” ci-in MNDAA thugenpi in genbeh hi.
Galvai tawh kisai thubul kizakna ah October 30, 2023 ni-in SAC te’ muan mahmah galphual phualpi 3 te kilakkhia zo in, Kunlong Township sungah Kan Mai Camp leh Moongku Phone Sai (Stratify hill Camp) teng pen MNDAA galkapte’n luah khia zo uh hi. Namtu Township, Nam Ho khua, Khah Mah Zah (324) galphual pen Kachin galkap (KIA) te’n lakhiazo uh cih gal lam vai saite’n gen uh hi.
Hits: 7