August 10, 2023 || Tongsan Media Group ||
Bago Division, Kyaut Taga Twonship, Tamin In-gone khua kiangah August 9, 2023 nitak lam (4:30pm) hun pawlin Ukna buluh (SAC) 589th Infantry Battalion pan galkap 60 kim leh KNLA / PDF kipawlkhawm Special Commando pawlte nasiatak kikap uh a, SAC galkapte 30 val si banah tampi liam banah galvan zong tampi mah ngah uh cih thu No. (2) Military Region, Deputy Regional Commander ahi galkap Tin Oo in pulak hi.
Ukna buluh (SAC)te gal kuan ding apai laitak uh hi in, KNLA, PDF kipawl khawmte in khua pua lamah kiveenna (Security) a om laitak uh tawh kituak in, nasiatak kikapna piang ci hi. PDF lam pan Southern Region No. (2) Military Region, Special Commando Commando ahi galkap Kyaw Kyi a lutang thautang neute in kha in si-in, galkap khat liam ci hi. ” Ko, pawl bel gamvan in ka pai laitak uh hi in, tua ka vakna uh ah August 9 zingsang in Thau lawng 18 ka ngah uh hi. Tuni August 10, ni zingsang in zong Thau lawng 6 mu kik ung. Galte’ kiang limlim pan Thau lawng vekpi gawm 24 kingah khia suak ” ci-in Southern Division, Special Commando Battalion ah zum nasem (Officer) pa in gen hi.
Hih kidona ah langnih kikapna pen nai 9 sung sawt in, liamna ngah galkappa bel liamna lauhuai lua lo hi ci-in gen hi. Ukna buluh (SAC) lam pan Machine Gun 1; MA 1 te lawng 8; MA 2 te lawng 2; MA 3 te lawng 1; MA 4 te lawng 1; Mines zonna set mal 1; Drone kapna set 1; thautang bawm (Ammunition magazine) mal 12; 60 MM bomb pawl khat leh thautang (butllet) tampitak kingah cih thu Special Commando Battalion (Southern Region)pan Officer pa in genkhia hi. Hih kikapna ah ukna buluh (SAC) lam pan Pengzaloh phualsat a om Kha Lah Zah – 262 banah Kyaut Thaga khuapi leh Tahtee Gone a om ukna buluh (SAC) galkapten huhin Thaupi tawh kap uh a, vanleng zong tawh 2 vei kap uh cih kiza hi.
Kikapna a kipat zanni August 9, 2023 zingsang akipan Kyaut Thaga township sung a om Bawdi Kuan, Nanza, Tahtee gone, Taung Khine, Yedwin gone, akipan khuate pan khuamite pen nitak (6:00pm – 06:00am) kikal sung Tamin Enn Gone – Kyaut Thaga, Tamin Ingone – Tha Htee gone lampite tungah kua mah paithei nawnlo dingin Karen National Liberation Army (KNLA) in zaksakna nei uh hi. Kyaut Thaga township Thamen Inngone khuaneute ah Ukna buluh (SAC) ten August 3, ni-in, a khatveina galsim ding kuan laitak in zong KNLA , PDF kipawl khawm galkapte’ kikapna hangin, ukna buluh (SAC) galkapte lam pan 4 si-in, 4 mahin liamna ngah uh ci hi.
Source: People’s Spring
Translated: Tongsan Admin Team
Hits: 6