September 10, 2023 || Tongsan Media Group ||
Kachin State, Wai Hmaw township, Nam Sanyang area Aung ja village ah tuni September 9, 2023 ni zingsang in Kachin Independence Army (KIA) leh Ukna buluh (SAC) galkapte nasiatak kikap uh a, SAC galkapte a si aliam tampi omcih thu KIA lam galvai thusaite’n gen uh hi. KIA leh SAC galkapte in abeisa July kha akipan kikapna nei zelzel uh a, September 9 ni zingsang (08:00am) hunin Aungja khuaneu kiangah nasiatak kikap leuleu uh ci hi.
” Nam Sanyang Area kiang a om Aungja khua ah zingsang (08:00am) hunin nasiatak kikap uh hi. Aungya khua a om SAC galkapte’ kiang pan a paikhia galkap 30 te KIA galkapten umin khaktan cip uh ahih manin, SAC lamte 27 si uh a, 3 taisuak in suakta uh hi. 27 te’ luang hawmte bel kiciang zihziah in om hi. Galvan tampi kingahbeh lai hi” ci-in KIA galvai lam sai te’n genkhia uh hi.
Kachin State, Moe Mauk township Dawh Phon Jang khuapi a om SAC galkapte zong Annek tuidawn a puak ding Mawtaw te paikhia dingin kithawi khengkhang a, akim apam a om SAC galkapte’ Camp ah September 9, ni zingsang in Thaupi tawh kap uh cih thu khuamite’ genna tungtawn in, KIA thukizakna phualpi KNG ten tuni mahin pulak uh hi.
Nam Sam Jang area kikapna hun sungah SAC galkapte’ kapna pen KIA te’n kapkik uh a, SAC lamte’ galkap Mawtawte’ paina ding lampite khakcip sak in, akikal ah Landmine tawh nasiatak kap uh a, Myitkyina – Ba Maw lampi tungah tatsat loin kikap uh hi.
Source: People’s Spring
Translated: Tongsan Admin Team
Hits: 3