September 10, 2023 || Tongsan Media Group ||
Taang National Liberation Army (TNLA) leh Ukna buluh (SAC)te kikapna omin Shan State leilu lam Kut Khaing, Lashio,Muse leh Kyauk Me township tengah langnih kikapna khuahpai lua in, akilim-etcik san laitak uh cih thu TNLA thukizakna lam thuneiten gen uh hi.
TNLA leh Ukna buluh (SAC) galkapte pen September 8, ni-in Kyaukme township sungah kikapna omin, SAC galkapte a si aliam tampi a om banah Galvan Thau 4 leh thautang honpi TNLA ten laksak uh cih pulak uh hi. Tua mah bangin Lashio township zongah September 7 ni-in kikapna omin, SAC galkapte a si a liam uh cih TNLA in genkhia hi.
Tuni (September 10) ni-in zong kikapna om / omlo cih kidotna kinei a, kikapna thu kizalo cih thu TNLA Ulain khatin gen hi. ” Kikapna munah tuni tuhun ciangciang kikapthu bang mah kizabeh nawnlo hi. Hia ni in bel om mah hiven, tun bel kizom nawnlo dan hi. Ahi zongin a lang tuakin amau mun tuakah omin kingak / kipang gige dinmun ah om uh hi” ci-in TNLA Ulianpa in Lashio leh Kyaukme Area kim galvai dinmun genkhia hi.
Abeisa lai kikapna munte ahi Muse leh Kut Khaing township tengah galvai khauhpai in kilimpan san mahmah dinmun ah om ci hi. TNLA leh SAC galkapte in abeisa July 23 niakipan Shan State leilu lamah kikapna kizomsuak suak in, tulaitak ciang kikapna vekpi 36 vei sang tawmzaw lo om hi. SAC galkapte’n lim lelh uh a, Thapi tawh galhuh uh a, vanleng tawh kapna cihte zong nasiatak nei uh hi.
Source: People’s Spring
Translated: Tongsan Admin Team
Hits: 5