Magwe Division, Gangaw township, Myauk Khin Yan khuaneu ah ukna buluh (SAC) galkapte leh a sawltak Pyusaw Htee pawlin PDF galkap 2 hingmat in, nasiatak a bawlsiat khit uh teh a hingtang in Mei tawh hal lum uh cih thu Online social Media tungah Video file tungtawn in kitheikhia hi. Hih thupiang pen abeisa 2023 November 7 ni hi a, Gangaw Tsp., Myauk Khin Yan khuaneu a om Pyusaw Htee te leh SAC galkapte pen PDF kipawl khawmte in va do uh a, tua kikapna sungah PDF galkapte 2 SAC te’n man kha dihdih uh hi.

Pyusaw Htee makai U Htet Wai Oo makaih SAC galkapte leh Pyusaw Htee pawlte in tua a mat uh PDF galkap 2 te pen nasiatak sat / vua gawp dikdek in, sikkhau / sikkol tawh a bunglu lamin hencip in, a hingtang in Mei tawh haltum uh ci hi. Hih bangin mihing gamtat ahilo zahkhop a, bawlsiatna leh kithahna pen leitung buppi theisak nuam lua hi hang ci-in, Gangaw khuami khatin genkhia hi. Tua bang a mei tawh a hallup hun laitak in, Pyusaw Htee pawlte pen gualzo kisa in, a ot ziahziahna awgingte zong Online Social media tungah kizelkhia in, Video file tawh kimu ziahziah cih kiza hi.

Hits: 9

Byadmin

Leave a Reply

Your email address will not be published. Required fields are marked *