Rakhine State, Buditaung township sung a om SAC galphual khempeuh Arakan Army (AA) pawlin lakhia / sutkhia khin mang ta uh ci-in, khuamite’ tungtawn in kizasawn hi. Buditaung Township pen Rakhine State-ah SAC galkapte’ kiphualna munpi No.15 Operation Command Headquarters leh strategic camps tuamtuam tam omna pen mun khat hi-in, tulaitak AA pawlin bulaukzo taktak ta ci hi.
“Buditaung khuapi a om SAC gal phual khempeuh kila khin ta. SAC in galvan sik (support) in Muslim- Rohingya te dosak uh himah leh AA mahin zo veve uh” ci-in Butitaung khuami khatin gen hi. AA in Buditawng township a om SAC Camp te ahi; Khah Mah Yah -522th Battalion pen March 25, 2024 ni-in lakhiazo uh a, SAC phualte zong a banban in lakhia zo uh hi.
Rakhine State-ah Kha Mah Yah (552th), Kha Mah Yah (564), Khah Mah Yah (565), Khah Mah Yah (551), Khah Mah Yah (535), Khah Mah Yah (353), Khah Mah Yah (263), Khah Mah Yah (233), Ah Mah Tah (378), Khah Mah Yah (234), Khah Mah Yah (345), Khah Mah Yah (352), Support Corps, GE Corps, leh a munkip galkap phualte khempeuh zong May 18 ni do-in la ban-ah May 20 ni-in lakhia siang zo suh hi, ci-in Buditaung News Source khat tungtawn in kiza hi.
Hits: 3