Chin State leilu lam Tonzang leh Cikha khuapi ah phualsat a om Ukna buluh (SAC) galphualte pen CNA leh a pawlte’n busim uh a, a banban in lakhia zo ta, ci-in CNF/A pan thugenpi Salai Hteet Ni in pulakkhia hi. “May 19 ni zingsang lamin Cikha khuapi a om SAC phualpi dona-ah SAC te na taikhia / kikhinkhia khol uh ahih manin, kido / kikapna om lo-in a kilazo suak hi,” ci-in Salai Hteet Ni in gen hi.

“Cikha khuapi a SAC phualpi pen drone tawh kikap hi. Camp a kilut ciangin SACte kuamah om nawn lo. Tua ma Cikha-a SAC galkapte Tonzang khuapi lam kipuak uh cih kamdawn kiza pen a takpi mah na himawk hi. Drone tawh ka kap ding lam uh theikhol in, a na taikhia khin uh hi ding hi! Kikapna om het loin, Cikha Camp akilakhiazo suak “ ci-in Salai Hteet Ni in genbeh hi.

Tonzang Khuapi ah phualsat SAC- Kha Lah Yah-269 te’ Camp, Cikha khua SAC Camp banah Chin State sung a om SAC Camp khempeuh CNA leh a pawlte’n kilakhia mang khin phial hita ci-in Salai Thet Ni in gen hi. “Tonzang-ah Khah Lah Yah-269 te leh Palik Zum tawh a mun nihin akilakhiazo suak hi ta! Khuapi sung siansuahna / etcianna akibawl ciangin, khuapi sungah kidona om lai ahih manin, Tonzang-ah SAC galkap bei siang taktak kicithei nai lo hi. Ahi zongin a galphual khempeuh bel kilazo khin suak phot hi,” ci-in Salai Thet Ni in gen hi.

Tulaitak Tonzang khuapi ah Chin Revolution Kipawlkhawmte pen SAC leh ZRA-EC lamte’n ေပ်ာက္ၾကား ပုံစံ tawh do uh cih kiza hi. Tonzang kidona-ah SAC leh ZRA-EC kipawl khawm uh a, ZRA member 10 leh SAC member 8 te Tonzang Zatopi ah zato lum uh hi, ci-in Salai Thet Ni in gen khia hi. Tua banah ZRA (EC) khat leh SAC khutnuai mi palik nih CNA leh apawlte’n hing mat uh cih thu kiza hi. SAC in May 19 ni-in zong Van lam pan 10 vei val bomb khia bek tham loi, ni 4 sung kidona ah bomb leh Drone tam a khiat pen ni uh hi, cih kiza hi.

CNA leh apawlte’n bel Tonzang do leh kap dingin a kigin khit uh May 15 ni akipan SAC in van lam tawh a kizomin kap uh ci hi. Tonzang khuapi lakna pen Chinland Government, Defense Ministry pan a kibawl စစ္ဆင္ေရး masa pen hi a, May 16 pan SAC phualte do akipan uh ahi hi. Tua kidona-ah Chin defense pawl 18 kihel cih kiza hi. Kidona hangin Tonzang mipi 5,000 kiim galtai uh a, van lam pan dona hangin a tawm pen inn 10 val kisiazan cih thu kiza hi.

default

Hits: 3

Byadmin

Leave a Reply

Your email address will not be published. Required fields are marked *