Ukna buluh (SAC) a langpang Revolutionary thautawi pawl ahi PDF Zoland te gamdang volunteer te’n gal kapzia thusin sakna nei uh, ci-in PDF Zoland makaite’ tungtawn in kizasawn hi. Tua bangin training hong piakna hangin Spring Revolution ading phattuamna tampi om dingin kilam-en hi, ci-in lametna kinei ci hi. Chin Brotherhood member khat ahi PDF Zoland te gamdangmi galkap lui Volunteer pawl khatin galkap zia thusinna pia hi, ci-in VOA-Myanmar in kipsak hi.
Tua galdozia thusinna a pia gamdang mite in adiakdiak in, khuapi sung galdozia, sniper zatzia training leh Special Commando traing cihte hilh uh ci hi. ” Hih banin galdozia pilna hong hilhna hangin, khantohna tampi kineihlawh bek tham loin, lungsim hansanna zong hong nei sak hi,” ci-in PDF Zoland pan makai khatin genkhia hi.” Hih thusinna hong pia gamdang mite hong pai zawh uh kum 1 cing ta hi. Hih bangin thusinna hong piak theihna dingin a diakdiak gamdang a om mipihte’ hanciampihna tawh kizopna kinei thei ci hi.
” Ukna buluh SAC ado dingin gamdangmi Voluntehong kihel manin Spring Revolution ading phattuamna tampi a om mah bangin, galkap zia zong khantohna kibehlap semsem hi,” ci-in PDF Zoland makai lam vaipuak nei khatin gen hi. Myanmar gambup huamin en le’ng, SAC leh Revolution pawlte kikal-ah nisim phialin kidona om den hi Revolutonary lamte in sakhan (Camp) luahna, khuapi lakna cihte kilawhcing semsem hi.
Hih Gamdang volunteer-te in Revolution galdo zia thusin sakna a hilhna uh tawh kisai-in SAC te’n bangmah pulakna nei nai lo uh hi. Spring Revoution galdo pawl PDF Zoland ah akihel Britain galkap lui khat pen sum tawh a kicial galkap hilo ahih banah thuman / thutak lamah a panpih ahihna thu gamdang News pawlkhat-ah pulak hi.
Hits: 2