Russia leh Bulgeria gam pan IL 76 vanleng namte tawh Myanmar khuapi thak ahi Naypyitaw Alaa Air force-ah Galvan puakin kileh ziahziah ci-in Naypyidaw news source tungtawn in kizasawn hi. Russia gam pan galvan pua IL 76 vanleng khat May 24 zankim (11:50PM) hun-in Naypyidaw khuapi a om Galkap Vanleng khawlna phualpi (Aalaa air force) ah tusuk hi. Tua vanleng pen ni 3, 4 sung Nyipyidaw ah a khawl khit teh, pusuak kik cih kiza hi.
Tua banah May 24, sun lamin Bulgeria gam pan Russia te’ Vanleng IL 76 khat Naypyidaw Alaa air force-ah tusuk a, May 25 ni zing lamin pusuak khia kik hi. May 21 ni-in zong pusuak kik khin cih kiza hi. “Russia leh Bulgeria pan vanleng teng pen direct-in hong pai hi-in, India-ah tawmvei a khawl khitteh Naypyidaw zuan suakin, a van puakte zong khia pah uh hi.
Vanlengte bel IL 76 namte vive hi” ci-in Alaa Air Force News source in genkhia hi. Ukna buluh (SAC) in Russia tawh kizopna khauhpai sak semsem uh a, a diakdiakin galvai-ah sepkhop ding thusim tampi om nei uh hi, ci-in Naypyidaw galkap lam News vaisaite’n gen uh hi.
Hits: 2