August 10, 2023 || Tongsan Media Group ||
Sagaing Division, Kalaymyo, Taungphila veng ah August 10, 2023 zingsang in ukna buluh (SAC) galkapte’n khuasung a vaksuk vakto mipite sit-in a om laitak Motorcycle tuang pasal nihte in SAC galkapte lau in kilehkik uh ahih manin, SAC ten kap suk uh a, khat sipah in khat pa aban liam cih thu kiza hi.
“Ukna buluh (SAC)galkapte mi sit (Check) a om laitak hi ven, tua tangval nihte Motorcycle tawh tai phei kim lai Galkapte a muh teh kilehkik vat mawk uh in galkapte’n zong kap suk ziau in, khatpa a phual ah sipah a, khatpa bel aban bul liam “ ci-in khuami khatin gen hi.
A sipa pen Kalay township, Indaingon (abeisa Muntha khua) ateng Salai Chung Lian Bik (Kum 28) hi-in, a lu thautang in kha in si ci hi. Amah pen a lawmpa tawh Taungphila vengah Leisek inn lam nasep (Pazan) nasem hi in, zing-an ne ding a ciah pak kim lai SAC ten kaplum hiau hi a, alawmpa zong aban bul liam ci hi. SAC galkapte bel Mawtaw nih tawh Myo Hla lam zuanin pai suak uh a, a pai kawmun Thau phial lot gawp uh ci hi.
Tusung teng SAC galkapten Kalaymyo khua sungah a vaksuk vakto mipite nasiatak encik (Check) den uh a, Mobile phone te zong limsit mahmah cih khuamiten gen uh hi. Abeisa August 3, ni-in zong SAC galkapte’n mipite a sit laitak un mipi galkap (PDF)ten kap uh a, SAC te 4 si-in, tualsung mi 1 in liamna ngah cih khuami te’n genbeh hi.
Source: People’s Spring
Translated: Tongsan Admin Team
Hits: 4