September 10, 2023 || Tongsan Media Group ||

Leitung gam 123 in zatloh ding thukimna abawlsa uh akilawhmai aphuakkham thei (Cluster bomb) namte pen Ukna buluh (SAC) galkapte’n Chin State, Mindat khuapi sungah vanleng tung pan khia uh ci hi. Hih Cluster bomb namte pen abeisa April kha sung akipan Chin State akihel Karenni State, Karen State leh Shan State tengah zang khin uh cih thu Cluster Munition Coalition (CMC) in a pulakna pan kitheikhia hi.

” Hih vai tawh kisai abeisa ni 2, 3 sung akinei United Nation (UN) Report pan kimukhia hi. Hih Cluster bomb te pen SAC in Mindat toenship kikapna ah a zatna uh tawh kisai Photo, muhtheih ding vante, khuamite’ inn leh lo, nuntakna cihte khempeuh International Media te leh NUG te’n khaktanna nei uh hi. Mitmuh theih ding thu le late zong kimtak pulakkhia uh hi “ c-in CDF – Mindat pan galkap khatin genkhia hi.

Cluster bomb zatloh ding thukimna sungah Myanmar gamin bel Thukimna letmat thuhlo uh a, Ukna a buluh khit akipan SAC in hih Cluster bombte a zang uh ahi hi. SAC te hangsan takin a do /a kap ngam Chin minamte leh Mindat township pen akizancipna dingin Thaupi tuamtuam akipan Helicopter leh Jet Fighter te tawh nasiatak akap banah Cluster bomb leh minam bup abeimang sak thei Chemical nangawn zang uh cih kiza hi.

“Ko, Chin khangthakte leh adiakin Revolutionary galkapte pen lungkia loin kuamah kizosak ngeilo, lungsim hangsanna leh khensatna tawh suahtakna ngahna ding tuni ciang dong tatsat loin galdona kinei hi. Ukna buluh (SAC) thuneihna bei sakna ding ciang bek tawh galkido hi loin, abucing kikimna leh Democracy ukna man ngahna ding galdo ka hi uh hi cih thu tawh mipite thapiakna kinei ahi hi ” ci-in CDF- Mindat galkap khatin gen hi.

Mindat khuapi ah SAC te’n a zat uh Cluster bomb te a zat laitak in kitam / puakkham loin, Landmines te mah bangin, leisung a tukna mun pan a hunhun puakkham thei ahih manin, a nung ah mipite’ ading lauhuaina tampi om ci hi.

Source: Myaelatt Athan

Translated: Tongsan Admin Team

Hits: 4

Byadmin

Leave a Reply

Your email address will not be published. Required fields are marked *