Northern Shan State, Myanmar leh China gamgi ah sumbawl sumzuakna mun thupi khat ahi Muse khuapi a om Strategic hill station 105 Miles pen zanni December 14, 2023 nitak lamin Three brothers Alliance pawlin lakhia zo uh cih kiza hi. Muse khuapi 105 Miles a om SAC Strategic Hill Station pen abeisa November 27 ni akipan three Brothers Alliance pawlin a do uh hi-in, December 14, ni-in lakhiazo uh hi.

” Zanni nitak lamin kilakhiazo ci-in gen hi. SAC pawlin bel vanleng tawh kap ziahziah uh hi. Zan nitak thapai kikap uh a, Phone line kikhak mang ahih manin, kizopna kingahzo mahmah lo. Ka lawmpa’ zat China phone line bek kingah in, khuamite tawh thukizathei kik ing! Den mahmah in zong SAC ten vanleng tawh bomb khiat lai uh a, liamna ngah om/ omlo cih kitheician nai kei” ci-in Muse khuapi 105 Miles a teng pasal khatin gen hi.

Tulaitak Muse Township leh 105 Miles kikal ah SAC galkapte leh Three Brothers Alliance pawl nasiatak kikap ziahziah uh ci hi. ” Ko kiangah thu kician kiza nai kei! Galvan bang zah kingah cih zong kiciantak kiza nailo lo lai ” ci-in TNLA Information Department ah thunei numei khatin gen hi.

Abeisa November 27 – December 15, 2023 sung Muse khuapi ah SAC pawlin Vanleng tawh a kapna hangin khuamite 10 val si-in, 20 val liamna ngah cih khuamite tungtawn in kizasawn hi. Tua banah Ta’ang (Palaung) Ukna (Autonomous Region) mun, Namsan khuapi zongah zanni December 14, nitak lamin SAC in vanleng tawh bomb a khiatna hangin Nongsai veng ah Inn 3 meikang in, mi 1 liam cih kiza hi.

Hits: 4

Byadmin

Leave a Reply

Your email address will not be published. Required fields are marked *