Shan State (Northern) lamah SAC galphual kigawm vekpi 152 val kibuluah /sutkhia zota cih thu Myanmar National Democratic Alliance Army – Kokang (MNDAA) in thusuahna nei uh hi. Northern Alliance pawlin “1027 Operation” min tawh galsim zawh ni 22 cinni November 18 ni-in Kokang Tungshan (တုန်းရှမ်း) Khoh Than (ခုတ်ထန်) mun a om SAC galphual pen zingsang nai 5:30 hun akipan busim in, nai 6 sung nasiatak kikapna a neih khit uh sun lam (11:30am) hunin lakhiazo uh hi.
“1027 Operation” kipatzawh ni 22 sungin Three Brotherhood Alliance kipawl khawmte ahi; Kokang galkap (MNDAA), Rakhine galkap (AA), Ta’ang galkap (TNLA) pawl 3 tengin SAC galphual alian aneu vekpi gawm 152 val buluah in sutkhia / kemcip zota cih thu MNDAA pawlin pulakkhia uh hi. MNDDA in abeisa November 15 ni-in Honshin (ဟုန်ရှင်း) Maw Htike (မော်ထိုက်) khua gei a om SAC galphual, Hong-ai (ဟုန်အိုင်) leh Maw Htike (မော်ထိုက်) kikal a om SAC galphual, Lauk Hmu chiun (လောက်မှုကျူ) mual tung a om SAC galphualte kapin buluah zo hi.
November 15 ni zingsang lamin Shinh Pyin kai (ရှင်းဖျင်ကိုင်) Siang phong shwe (လျှံဖုန်ရွှေ), Maw Htike Sai Kyauk Siam (မော်ထိုက်စိုင်းကျောက်ရှမ်) leh Talinkee (တလင်ကဲ) mualtung a om SAC galphualpite a banban in busim uh a, nitak lam (2:00pm) hunin Maw Htike Talinn (မော်ထိုက်တာလျံ) mualtung SAC galphual teng luhkhia leuleu uh a, nai khat sung akikap khitteh galphual sutkhia / lakhiazo uh hi.
Tua banah Maw Htike (မော်ထိုက်) kuam sung a om SAC galphual khempeuh a vekpi in longkhia zo uh a Kokang District leilu lam a om Kohongshin (ကိုဟုန်ရှင်း) leh Chon Gan (ချုံကန်) ciang dongah kekto zo uh cih thu leh abeisa November 10 ni zingsang lam (09:00am) hun pawlin zong Lauk Hmuhchiun (လောက်မှုကျူ) mualtung a SAC galphualte zong simin November 15 ni nitak lam nai 3:50 hunin sutkhia / lakhiazo uh hi.
Hits: 5