Shan State (Northern) lam a om Kut Kai township, Tamo Nye region, Dai Nai khua ah phualsat SAC galkapte’ Camp pen Kachin Independence Army (KIA) in zanni November 13, 2023 ni-in busim in Camp buppi lakhiazo uh cih KIA thuneite’ tung pan kiciantak kiza hi. Ukna buluh (SAC) lei galkap (Infantry Military- Khah Lah Yah (123) battalion phualpi ahi Dak Nai galphualpi (Camp) pen abeisa November 12, ni akipan nasiatak kikap uh ci hi.
” Zanni (November 13) ni sunkim 12:30Pm hunin Dak Nai Camp kibuluak zo suak hi. Ukna buluh (SAC) pawlte 20 val si “ cih galvai saite’ gen uh ci hi. Hih kikapna ah SAC te’ kiang pan Thaupi, thauneu leh Machins Gun akipan thau nam kim mal 20 val leh thatang, bomb cihte tampi kingah khia cih zong genbeh hi. Tamo region pen Kachin Independence Army (KIA), battalion 9th pawlte’ ukna leh gamtatna mun teng ci hi.
Hits: 3